Bilanci i protestës në kryeqytet: 68 të arrestuar, mes tyre edhe 7 të mitur, si dhe 22 të proceduar

Drejtoria Vendore e Policisë Tiranë ka bërë publik bilancin përfundimtar të veprimeve hetimore dhe procedurale, pas protestës së zhvilluar një ditë më parë në kryeqytet, e cila u shoqërua me incidente të dhunshme dhe përplasje të hapura me efektivët e rendit. Sipas informacionit zyrtar nga autoritetet policore, në flagrancë janë vënë 68 persona, ku përfshihen edhe 7 të mitur të moshës nga 15 deri në 17 vjeç, ndërsa 22 qytetarë të tjerë janë nisur në ndjekje penale në gjendje të lirë. Bëhet e ditur se të ndaluarit dhe personat nën hetim dyshohet se kanë sulmuar strukturat e Policisë së Shtetit dhe fasadat e institucioneve publike e private, duke përdorur gurë, mjete të forta dhe materiale piroteknike. Si pasojë e këtyre akteve të dhunshme, 20 punonjës policie kanë pësuar lëndëm trupore, ndërkohë që janë regjistruar dëme të konsiderueshme materiale në infrastrukturën e objekteve dhe në sinjalistikën e qarkullimit rrugor në zonë. Në lidhje me këto ngjarje, dokumentacioni procedural i është përcjellë tashmë për kompetencë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për ndjekjen e mëtutjeshme ligjore të veprave penale. Në vijim të hetimeve të kryera nga strukturat e Drejtorisë Vendore të Policisë Tiranë për tubimin e djeshëm, rezultojnë të arrestuar në flagrancë 68 shtetasit e mëposhtëm: E. N., 23 vjeç; F. P., 22 vjeç; R. U., 22 vjeç; E. M., 20 vjeç; A. B., 18 vjeç; L. R., 18 vjeç; A. B., 25 vjeç; B. T., 28 vjeç; G. B., 18 vjeç; D. H., 24 vjeç; E. H., 19 vjeç; B. V., 18 vjeç; A. P., 23 vjeç; A. Z., 41 vjeç; E. A., 36 vjeç; D. H., 18 vjeç; A. M., 22 vjeç; A. M., 18 vjeç; Xh. M., 22 vjeç; K. C., 19 vjeç; E. B., 27 vjeç; A. R., 31 vjeç; J. K., 23 vjeç; L. L., 20 vjeç; A. M., 18 vjeç; L. M., 20 vjeç; E. SH., 22 vjeç; E. B., 19 vjeç; A. I., 33 vjeç; O. Z., 23 vjeç; D. C., 28 vjeç; K. Ll., 25 vjeç; A. G., 42 vjeç; F. Dh., 19 vjeç; K. M., 20 vjeç; O. B., 20 vjeç; A. B., 21 vjeç; D. L., 32 vjeç; B. P., 38 vjeç; M. G., 27 vjeç; J. M., 19 vjeç; M. T., 34 vjeç; Xh. G., 22 vjeç; E. SH., 26 vjeç; K. Z., 21 vjeç; L. Gj., 29 vjeç; E. Ll., 42 vjeç; A. V., 20 vjeç; A. S., 25 vjeçe; U. P., 29 vjeçe; M. P., 18 vjeç; A. Ll., 51 vjeç; R. C., 30 vjeç; N. N., 37 vjeç; Xh. Ç., 28 vjeç; I. H., 29 vjeç; S. C., 53 vjeç; J. Gj; 25 vjeç; E. Sh., 28 vjeç; A. B., 41 vjeç; A. Sh., 42 vjeç, si dhe 7 të mitur të moshës 15-17 vjeç. Gjithashtu, gjatë operacionit janë proceduar penalisht edhe 22 qytetarë të tjerë. Grupi hetimor konfirmon se këta persona dyshohen se kanë hedhur gurë, sende të tjera të forta dhe lëndë shpërthyese piroteknike drejt trupave policore dhe godinave publike e private, duke dëmtuar fizikisht efektivët e policisë dhe duke shkatërruar pasuritë publike e sinjalistikën rrugore. Përveç dëmeve materiale, gjatë përplasjeve të protestës së djeshme kanë mbetur të lënduar 20 punonjës të rendit. Materialet e plota procedurale i kanë kaluar Prokurorisë për veprime të mëtutjeshme hetimore.