Nis periudha e aplikimit për subvencionimin e rrymës për familjet në nevojë

Ministria për Punë, Familje dhe Vlerat e Luftës Çlirimtare ka bërë të ditur se tashmë është hapur faza e aplikimit për mbështetje financiare përmes Programit për Mbrojtjen e Konsumatorëve të Cenueshëm të Energjisë Elektrike për periudhën 2026–2027. Sipas njoftimit zyrtar, ky grant synon t'u vijë në ndihmë qytetarëve përmes mbulimit të një pjese të faturave të energjisë për ato ekonomi familjare që përmbushin kushtet e përcaktuara në këtë nismë. “Të drejtë aplikimi kanë ekonomitë familjare që i plotësojnë kushtet dhe kriteret e Programit. Aplikimi bëhet nga një anëtar i ekonomisë familjare dhe lidhet vetëm me një njehsor elektrik”, theksohet në njoftimin e ministrisë.