Start i ëndërruar në Ligën e Kombeve: Maran e nis me fitore në krye të Shqipërisë, reagon Armand Duka

Përfaqësuesja e Shqipërisë e ka nisur në mënyrën më të mirë të mundshme rrugëtimin e saj në Ligën C të Ligës së Kombeve. Në sfidën e zhvilluar në stadiumin “Air Albania”, kuqezinjtë siguruan një triumf bindës 2-0 përballë Bjellorusisë, falë golave të realizuar nga Kristjan Asllani dhe Ernest Muçi. Kjo përballje ka shënuar gjithashtu edhe debutimin zyrtar të trajnerit Rolando Maran në krye të stolin e Kombëtares shqiptare, duke regjistruar një paraqitje pozitive që premton shumë për të ardhmen. Pas përfundimit të takimit, numri një i Federatës Shqiptare të Futbollit, Armand Duka, ka përcjellë një mesazh urimi përmes rrjeteve sociale. Ai ka vlerësuar maksimalisht paraqitjen e lojtarëve, kontributin e stafit teknik me në krye Maran, si dhe ka falënderuar zjarrin e ndezur nga tifozët në tribuna. "Fitore 2-0 ndaj Bjellorusisë dhe starti që donim në UEFA Nations League! Bravo kuqezinjve, trajnerit Maran, stafit dhe tifozëve për mbështetjen", ka shkruar kreu i futbollit shqiptar. Ndërkohë, kalendari nuk lë kohë për festë. Përfaqësuesja kuqezi do të zbresë sërish në fushë pas vetëm dy ditësh, për të zhvilluar ndeshjen e radhës në udhëtim kundër San Marinos.