Çmimet e karburanteve shënojnë rritje, Berjani: E pamundur të parashikohet situata në bursat ndërkombëtare

Tregu i derivateve në vend vazhdon të karakterizohet nga vlera të larta, ndërkohë që paqëndrueshmëria në bursat globale po shton pikëpyetjet rreth ecurisë së tyre gjatë periudhës së ardhshme. Kryetari i Shoqatës së Naftëtarëve të Kosovës, Fadil Berjani, ka bërë të ditur se aktualisht një litër naftë po tregtohet rreth 1.95 euro, kurse benzina kushton përafërsisht 1.65 euro për litër. Sipas tij, kushtet aktuale e bëjnë tejet të vështirë çfarëdo parashikimi lidhur me kostot e ardhshme, duke pasur parasysh fluksin e madh të ndryshimeve në tregjet botërore të naftës. Berjani ka shtuar se situata e tensionuar gjeopolitike në Iran po ushtron ndikim të menjëhershëm dhe të drejtpërdrejtë në strukturën e çmimeve të karburanteve edhe në tregun tonë. ‘’Çmimet e naftës dhe benzinës sillen përafërsisht, Dizelit 1.95 €, Benzina 1.65 €. S’mundemi me paragjyku se çfarë çmime do ti kemi ne ditët ne vijim sepse po ka lëvizje te mëdha ne tregjet ndërkombëtare dhe ne berz .Dhe situata e tensionuar në Iran po reflekton në këto çmime’’, u shpreh ai.