Aksident në Pejë: Përplasen treni dhe një veturë, një i lënduar përfundon në spital

Një aksident trafiku ka ndodhur gjatë ditës së sotme në fshatin Lutogllavë të Pejës, ku në një incident janë përfshirë një tren udhëtarësh dhe një automjet. Zëdhënësi i Policisë për Rajonin e Pejës, Driton Rugova, ka konfirmuar se si pasojë e kësaj përplasjeje, një person ka marrë lëndime dhe është transportuar për ndihmë mjekësore në Spitalin Rajonal të Pejës. “Sipas vlerësimit të ekipa mjekësore, i dëmtuari ka pësuar lëndime të lehta trupore”, ka deklaruar Rugova. Ndërkohë, autoritetet kompetente, respektivisht Njësiti për Hetimin e Aksidenteve të Trafikut, kanë dalë në vendin e ngjarjes dhe po zhvillojnë hetimet e nevojshme për të zbardhur plotësisht rrethanat dhe shkaqet që çuan në këtë aksident.