Klubi i Pejës mbetet pa trajner, ndërpritet bashkëpunimi me Michalis Kakiouzis

Skuadra e Pejës ka bërë të mundur zyrtarizimin e ndarjes me strategun grek, Michalis Kakiouzis, i cili nuk do të jetë më në krye të shtabit teknik. Vendimi për mbylljen e bashkëpunimit mes dy palëve është bërë i ditur gjatë ditës së hënë nga drejtuesit e klubit verdhezi. Ky zhvillim vjen menjëherë pas disfatës që pejanët pësuan në fundjavë nga Rahoveci 029, rezultat ky që ka sjellë lëvizje në stafin drejtues. Nëpërmjet një njoftimi zyrtar, nga kampi i Pejës është theksuar se shkëputja e kontratës është arritur pas një dakordësie të ndërsjellë mes klubit dhe ish-basketbollistit të njohur.