Sergio Ramos drejt rikthimit në La Liga? Getafe konfirmon kontaktet me mbrojtësin e njohur

E ardhmja e Sergio Ramos mund ta rikthejë atë sërish në kampionatin spanjoll. Mbrojtësi me përvojë të madhe është shndërruar në një nga opsionet kryesore për repartin defensiv të Getafes. Sipas raportimeve nga shtypi spanjoll, konkretisht nga gazeta e njohur “Mundo Deportivo”, presidenti i klubit nga Madridi, Angel Torres, ka prishur heshtjen duke konfirmuar zyrtarisht se ka pasur kontakte mes palëve për një transferim të mundshëm.