Incident sigurie pranë bazës amerikane në Britani: Arrestime dhe evakuim emergjent të banorëve

Një gjendje alarmi është krijuar pranë një baze ajrore amerikane në Mbretërinë e Bashkuar, ku autoritetet kanë proceduar me arrestimin e disa personave dhe evakuimin e menjëhershëm të popullsisë vendase, si pasojë e dyshimeve për praninë e lëndëve shpërthyese. Ngjarja e rëndë është regjistruar në afërsi të bazës RAF Fairford, e cila ndodhet në Gloucestershire, ndërsa forcat e rendit kanë shpallur gjendjen e incidentit madhor në zonën e Whelford. Der më tani, disa individë janë vënë në pranga nën dyshimin e arsyeshëm për shkelje të legjislacionit që rregullon përdorimin dhe posedimin e eksplozivëve. Në terren janë dislokuar menjëherë ekipet e specializuara ushtarake për neutralizimin e mjeteve shpërthyese. Aktualisht, strukturat e sigurisë po kryejnë kontrolle të imtësishme në disa automjete, ndërkohë që banorët e evakuuar janë akomoduar në një qendër të sigurisë së posaçme. Ky incident zhvillohet në një periudhë kur nivelet e gadishmërisë dhe mbrojtjes rreth bazës amerikane janë ngritur në maksimum, të shoqëruara nga bllokime të akseve rrugore, kontrolle të rrepta dhe prani të shtuar të efektivëve të armatosur.