Nëna e re, Barbara Palvin magjeps skenën e Victoria’s Secret vetëm gjashtë javë pas lindjes

Supermodelja e njohur hungareze, Barbara Palvin, ka bërë një rikthim spektakolar në pasarelë, vetëm gjashtë javë pasi është bërë nënë për herë të parë, duke rrëmbyer vëmendjen e të gjithëve në sfilatën e madhe të Victoria’s Secret të mbajtur në Los Angeles. 33-vjeçarja ka parakaluar me elegancë në këtë ngjarje të rëndësishme mode përmes dy paraqitjeve unike, ndërkohë që bashkëshorti i saj, aktori i njohur Dylan Sprouse, e ka përcjellë dhe mbështetur fuqishëm nga rreshti i parë i të ftuarve. Gjatë daljes së saj të parë në skenë, Palvin u shfaq e veshur me një këmishë nate rozë, transparente dhe të stolisur me mbishkrime, stilim ky i shoqëruar me flokë voluminozë dhe grim në nuanca të lehta rozë. Duke dëshmuar siguri të plotë në çdo hap, modelja u duartrokit nga publiku, ndërsa bashkëshorti i saj nuk ngurroi t'i dërgonte edhe një puthje nga vendi i tij në sallë. Në paraqitjen e saj të dytë, ajo u shfaq e veshur me të brendshme të bardha të mbuluara me xixa, të kombinuara me krahë të bardhë që kompletuan imazhin e saj magjik në këtë spektakël të modës. Para nisjes së sfilatës, Palvin ndau detaje me revistën “People”, duke pranuar se ky rikthim ishte jashtëzakonisht domethënës për të, pasi ende nuk kishin kaluar gjashtë javë të plota nga lindja e vajzës së tyre. Ajo shprehu mirënjohje për ekipin e Victoria’s Secret për mundësinë e krijuar dhe vuri theksin te rëndësia e madhe e mbështetjes së ndërsjellë mes grave. Duke folur për sfidat e reja, modelja i cilësoi javët e para të mëmësisë si një fazë të mbushur me emocione të forta dhe ndryshime rrënjësore, ndërkohë që ajo dhe Sprouse po përshtaten me rutinën e tyre të re si prindër. Palvin nuk i kursyer as fjalët e ngrohta për bashkëshortin e saj, duke e cilësuar atë si të lindur për të qenë baba i një vajze të vogël. Më 8 tetor, modelja festoi 33-vjetorin e lindjes, që shënoi gjithashtu ditëlindjen e saj të parë në rolin e nënës pas ardhjes në jetë të vogëlushes Sylvie. Vetem një ditë më vonë, ajo ndau me ndjekësit në Instagram disa fotografi ku shfaqej duke mbajtur foshnjën në krahë gjatë një momenti qetësie në natyrë. Emri i foshnjës u zbulua për herë të parë nga vetë Sprouse gjatë paraqitjes së tij në podcastin “Wildmen”. Çifti kishte dhënë lajmin e shtatzënisë më 14 maj gjarccosjes së Festivalit të 79-të të Filmit në Kanë, ndërsa më 28 shtator konfirmuan zyrtarisht se ishin bërë prindër të një vajze. Përmes një postimi të përbashkët në rrjetet sociale, dyshja la të kuptohej se e vogla kishte ardhur në jetë rreth tri javë më herët, me gjasë më 7 shtator.