Lazio paralajmëron seriozisht për titull, shkatërron Juventusin në Torino

Lazio ka regjistruar një triumf spektakolar me shifrat 0-3 në udhëtim te Juventusi, në takimin e vlefshëm për javën e shtatë në Serie A, duke konfirmuar kështu ambiciet e saj për kreun e tabelës në këtë edicion. Skuadra nga kryeqyteti italian e zhbllokoi rezultatin në minutën e 37-të të sfidës, kur Provstgaard u tregua i saktë për t'i dhënë avantazhin e parë skuadrës së tij në “Allianz Stadium”. Për të parë golin e dytë u desh të pritej deri në minutën e 66-të, moment kur Isaksen realizoi një gol të bukur, duke dyfishuar epërsinë dhe duke vënë mysafirët në një pozitë shumë më të rehatshme. Ndërkohë, epilogun përfundimtar të kësaj ndeshjeje e vulosi Dele-Bashiru, i cili shënoi vetëm një minutë para përfundimit të kohës së rregullt, duke e vulosur rezultatin përfundimtar në 0-3. Në këtë përballje, ylli kosovar Edon Zhegrova u hodh në fushë nga minuta e 67-të, mirëpo pati hapësira shumë të pakta për të rrezikuar, pasi u përball me një organizim të shkëlqyer defensiv të mbrojtjes bardhekaltër. Pas këtij rezultati, Lazio ngjitet në kuotën e 19 pikëve, duke ndarë kreun e renditjes tabelare së bashku me Interin, ndërkaq Juventusi mbetet i pozicionuar në vendin e tetë me 11 pikë të grumbulluara.