Kastrioti përmbyll aventurën evropiane, mposhtet edhe në ndeshjen e dytë nga Raimond Sassari

Kastrioti i Ferizajt ka mbyllur përfundimisht paraqitjet e tij në arenën ndërkombëtare për këtë edicion, pasi është eliminuar nga Kupa Evropiane në hendboll. Në kuadër të raundit të dytë të kësaj gare, skuadra ferizajase u mposht edhe në sfidën e dytë nga ekipi italian, Raimond Sassari. Ndeshja e zhvilluar të dielën në Itali përfundoi me rezultatin 40:27 në favor të vendasve. Gjatë këtij udhëtimi, përfaqësuesja kosovare u paraqit me mungesa të ndjeshme në përbërje, faktor ky që la gjurmë të dukshme në të dy ndeshjet e zhvilluara kundër italianëve. Pavarësisht rezultatit, në aspektin individual, Festim Mustafa u dallua si golashënuesi më i mirë i Kastriotit në këtë takim, duke realizuar dhjetë gola, ndërsa Vuk Lakiçeviq kontribuoi me gjashtë të tjerë.