Kryeqytetasit ndalin hovin e prizrenasve, Sigal Prishtina triumfon në ndeshjen dramatikë ndaj Bashkimit

Sigal Prishtina ka regjistruar një fitore të madhe para publikut të vet, duke mposhtur me rezultat të ngushtë 79:77 skuadrën e Bashkimit dhe duke i shkaktuar kësaj të fundit humbjen e parë në edicionin e ri garues. Në radhët e skuadrës bardhekaltër, protagonist absolut u bë Vincent Golson, i cili udhëhoqi ekipin drejt këtij triumfi me një paraqitje fantastike prej 30 pikësh dhe gjashtë asistimesh. Ndërkaq, te skuadra nga Prizreni, më i dalluari në parket rezultoi të jetë Adrio Bailey, i cili e mbylli takimin me një shifër dyshifrore prej 15 pikësh dhe 11 kërcimesh. Pas pesë xhirove të zhvilluara në Superligën e Kosovës në basketboll, kreun e tabelës e mban ende Bashkimi me 9 pikë, ndërsa pozitat pasuese plotësohen nga Trepça (8), Bora (8), Golden Eagle Ylli (8), Sigal Prishtina (7), Peja (7), Rahoveci 029 (6) dhe Vëllaznimi me 6 pikë.