Liga Regjionale: Zbardhet lista e Përfaqësueses U17 të Kosovës në hendboll

Kombëtarja e Kosovës U17 në hendboll (vajzat) do të nisë zyrtarisht grumbullimin këtë të martë në kryeqytet, në kuadër të përgatitjeve për sfidat inauguruese në kuadër të “Youth Regional League”. Ky aktivitet përbën një nismë të freskët sportive, e cila synon fuqizimin dhe ngritjen e cilësisë së hendbollit rajonal përmes përballjeve ndërkombëtare për grupmoshat e reja. Kalendari i ndeshjeve nis të enjten në orën 19:30, ku në ambientet e Pallatit të Rinisë dhe Sporteve në Prishtinë, vajzat e Kosovës do të matin forcat me përfaqësuesen e Bullgarisë. Më tej, turneu vazhdon të premten me takimin ndërmjet Rumanisë dhe Bullgarisë në orën 13:00, ndërsa të shtunën, po në orën 10:00, Kosova U17 do të kërkojë suksesin përballë bashkëmoshatareve nga Rumania. Për këtë angazhim ndërkombëtar, kryetrajneri Faruk Shala ka vënë në listë 16 hendbolliste, prej të cilave 14 vijnë nga kampionati vendor, ndërsa pjesa tjetër nga diaspora: Natyra Arifi (KHF Prishtina) Elda Hergaja (KHF Prishtina) Elira Sadiku (KHF Shqiponja) Dilara Bangu (KHF Vushtrria) Diona Zhegrova (KHF Ferizaj) Yllka Aliçkaj (KHF Prishtina) Tiara Caka (Red Boys Differdange)