Vandalizmi dhe gjuha e urrejtjes në proteste: Kur tubimet shndërrohen në nxitje anarkie

Çdo tubim humb kuptimin e protestës demokratike sapo shkel kuadrin ligjor dhe shndërrohet në akte vandalizmi, shkatërrimi apo dëmtimi të pronave publike dhe private. Skena ku digjen flamuj të shteteve aleate dhe shfaqet hapur retorika nxitëse e urrejtjes ndaj partnerëve ndërkombëtarë, si Shtetet e Bashkuara të Amerikës dhe Izraeli, tregojnë qartë se synimi i vërtetë nuk është liria e shprehjes, por përhapja e qëllimshme e kaosit në shoqëri. Shpeshherë, këto lëvizje rrezikojnë të shndërrohen në strehë për rryma radikale dhe ideologji që bien në kundërshtim të hapur me identitetin tonë kombëtar, sekularizmin dhe trashëgiminë e lavdishme skënderbegiane. Në aspektin politik, qëndrimi im mbetet kritik ndaj çdo pushteti, qoftë ndaj qeverisë në Shqipëri që ka krijuar aleanca të ngushta me Turqinë, apo ndaj klasës politike në Kosovë që tregohet tolerante ndaj ndikimeve të tilla ideologjike. Këto shfaqje të qarta të radikalizmit dhe kjo qasje e hapur kundër vlerave perëndimore nuk dëmtojnë thjesht imazhin e Shqipërisë në arenën ndërkombëtare, por shërbejnë edhe si një pengesë e rëndë në rrugën e saj integruese drejt Bashkimit Europian. Në fund të ditës, Shqipëria e Heroit Kombëtar Gjergj Kastrioti nuk mund dhe nuk duhet të tolerojë akte kaosi, vandalizmi dhe urrejtjeje ndaj atij civilizimi perëndimor, të cilin ai e mbrojti me aq stoicizëm e lavdi deri në ditët e fundit të jetës.