Formë e shkëlqyer për Ezgjan Alioskin, sulmuesi kuqezi shënon në triumfin e thellë të Luganos

Futbollisti i njohur shqiptar, Ezgjan Alioski, ka dhënë një paraqitje fantastike me fanellën e Luganos, duke gjetur rrugën e rrjetës në fitoren e pastër 4:0 që skuadra e tij arkëtoi në transfertë ndaj ekipit Pully. Përballë një dominimi absolut të klubit nga Superliga zvicerane, vendasit nuk patën asnjë mundësi reagimi, duke u dorëzuar para ritmit të lartë të lojës. Reprezentuesi i Maqedonisë së Veriut, i cili në këtë takim mbajti shiritin e kapitenit, la shenjën e tij në këtë sfidë të vlefshme për raundin e 32-të të Kupës së Zvicrës, duke vulosur golin e dytë të takimit. Në minutën e 19-të, Alioski u tregua i saktë nga pika e bardhë e penalltisë, duke dyfishuar shifrat në 0:2 dhe duke i hapur rrugë kualifikimit të sigurt të Luganos në fazën tjetër të garës. Statistikat dhe detajet e ndeshjes: Pully Football – Lugano 0:4 Shikues: 1,579 Shënues: 5’ Marques, 19’ Alioski (penallti), 45’ Beausire (autogol), 57’ Marques. Pully Football: Frangioni; Saldini, Clerc, Boillot, Chavanne, Pinheiro (55’ Parra); Mast (69’ Bogeski), Comisetti (55’ Benelhadj), Beausire, Lüdi (80’ Mehraz); Isabella (55’ D’Aquino). FC Lugano: Gebhardt; Marques (80’ Karimov), Kelvin, Bichsel; Alioski, Zanotti (57’ Carbone), Kendouci, Pihlström (57’ Ajdin); B. Castro (72’ Cimignani), Moncada (72’ Albian Ajeti); Behrens.