Ngërçi politik, Kryeziu: Në fund do të ndërhyjnë ndërkombëtaret, nëse partitë nuk reflektojnë

Ish-nënkryetari i Gjykatës Kushtetuese, Kadri Kryeziu, ka paralajmëruar se mund të ndërhyjnë ndërkombëtaret në tejkalimin e ngërçit politik. Ai ka bërë me dije se nëse partitë politike nuk tregojnë vullnet për dalje nga situata aktuale, në fund do të ndërdyjnë aleatët perëndimorë të Kosovës. Në emisionin Edicioni Special, në Klan Kosova, ai ka ftuar partitë që të reflektojnë. “Unë e kam një bindje se ndërkombëtarët në fund do të ndërhyjnë, nëse ne nuk i zgjidhim problemi, pra miqtë tanë, aleatët e tanë që i kemi”, ka thënë Kryeziu. Ai e ka vlerësuar si të qëlluar iniciativën e presidentes Osmani për të ndihmuar në tejkalimin e kësaj gjendje. “Presidenten Vjosa Osmani e falënderoj shumë që ka marrë iniciativë, do të thotë i shtjerrim ato mjetet e brendshme politike që të mos ndërhyjnë ndërkombëtarët”, është shprehur ai.