Debutim makth për Karoglan te Partizani, trajneri: E sigurt se do të kthehemi te fitorja

Partizani nuk ka arritur të reagojë pas humbjes në derbi ndaj Vorës, duke pësuar një disfatë edhe më të rëndë me rezultatin 1:4 në kuadër të javës së 7-të, ndonëse pritshmëritë ishin për një kthesë pozitive të “Demave të Kuq”. Pas përfundimit të takimit, trajneri Mislav Karoglan, i cili e nisi aventurën e tij në krye të kryeqytetasve me një rezultat negativ, foli për mediat duke analizuar ecurinë e lojës: “E nisëm shumë mirë. Por më pas Vora na ndëshkoi me atë eurogol. Në tranzicionin e parë, me një harkim në zonë, na ndëshkuan për herë të dytë. Duhet të jemi më stabël. Nuk është e logjikshme që në çdo lëvizje të tyre ata të shënonin gol. Kam disa ditë këtu. E kam të qartë se te cilët lojtarë do të mbështetem. Jam i sigurt që do ta fitojmë ndeshjen tjetër. Kam punuar në të dyja fazat, pasi erdha këtu. Bëra një analizë në anën disiplinore. E kam parë që ekipi ka pësuar shumë gola. Kam menduar të përmirësoj prapavijën. Kemi mbajtur edhe posedimin e topit. Vora nuk kishte asnjë shans. Në pjesën e dytë, Vora na goditi me atë penallti. Në këto lloj situatash, duhet të mbrohemi sa më mirë, të mos i përsërisim këto lloj gabimesh. Sigurisht, duhet të marrim edhe përgjegjësi. Ta analizojmë këtë humbje, ta pranojmë dhe të jemi sa më mirë në ndeshjen e radhës. Është një aventurë e re për mua. Në çdo klub ku kam qenë, kam luftuar për Europën. E di se çfarë duhet të bëjmë. Kemi shumë dëmtime. Aliu, Skuka po ashtu. Në këtë moment, duhet t’u mbijetojmë këtyre gjërave dhe të marrim rezultate të mira në ndeshjen e radhës. Ne duhet të mbrohemi me personalitet”.