Tronditje te Elbasani, Ivan Gvozdenovic largohet nga drejtimi i skuadrës pas humbjes së fundit

Klubi i Elbasanit ka mbetur pa trajner, pasi Ivan Gvozdenovic ka vendosur të japë dorëheqjen nga detyra e tij te verdheblutë, duke i dhënë fund aventurës në krye të pankinës. Arsyet e sakta që çuan në këtë vendim të papritur dhe marrëdhënia mes palëve mbeten ende të paqartë për opinionin sportiv. Ky zhvillim vjen menjëherë pas ndeshjes së djeshme, ku Elbasani u mposht me rezultatin 1-2 në transfertën e Korçës përballë Skënderbeut. Megjithëse në deklaratën e dhënë për mediat pas takimit trajneri serb u shpreh optimist për një kthesë pozitive dhe përmirësim të lojës në vazhdim, situata ka marrë një kthesë drastike brenda një kohe shumë të shkurtër. Vlen të theksohet se Gvozdenovic kishte një kontratë aktive me klubin e Elbasanit deri në verën e vitit 2027, ndërsa drejtimin e skuadrës verdheblu e kishte marrë përsipër në dhjetor të vitit 2024.