Tjetër therrje me thikë në Prishtinë, nga QKUK thonë se pacienti ndodhet jashtë rrezikut për jetë

Një person ka mbetur i lënduar, pas një therrje me thikë në sheshin “Zahir Pajaziti’ në Prishtinë. Shefi i Emergjencës në QKUK, Ejup Govori, i ka thënë Expressit se lëndimet janë serioze, por se pacienti është jashtë rrezikut për jetë. “Pacienti është duke u trajtuar në emergjencë. Lëndimet janë serioze, por jashtë rrezikut për jetë” – tha Govori. Ndërkohë policia ka arrestuar një të dyshuar në lidhje me rastin. “Sot rreth orës 22:00, kemi marrë informatën për një lëndim trupor të ndodhur në sheshin ‘Zahir Pajaziti’ në Prishtinë. Bazuar në të dhënat fillestare, në këtë rast nga një mjet i mprehtë është lënduar një person. Personi i lënduar është dërguar për trajtim mjekësor, ndërkohë që për përfshirje në këtë rast policia ka arrestuar një person të dyshuar” – tha zëdhënsja Flora Ahmeti.