Vëmendja te kreu: Malisheva kërkon pikët e radhës ndaj Vushtrrisë, duel interesant edhe në Gjilan

Superliga e Kosovës në futboll do të zhvillojë sot dy takimet e radhës në kuadër të javës së 10-të, ku vëmendja kryesore do të jetë te sfida ndërmjet Malishevës dhe Vushtrrisë, si dhe ajo mes Gjilanit dhe Feronikelit 74. Ndeshja e parë e ditës do të luhet në orën 14:00, ku skuadra e Malishevës do të kërkojë triumfin për të ruajtur ritmin në krye të klasifikimit. Pas nëntë dueleve të para, malishevasit numërojnë 20 pikë, duke u barazuar me Prishtinën, ndonëse me një ndeshje më shumë të zhvilluar. Në krahun tjetër, Vushtrria po kalon një momente të vështira dhe mbyll renditjen me vetëm tri pikë në llogari. Për vushtrriasit, çdo pikë në këtë ballafaqim peshon rëndë në misionin e tyre për mbijetesë dhe për të nisur këndvështrimin drejt pozitave më të sigurta. Programi i ditës mbyllet në mbrëmje, saktësisht nga ora 18:00, me ndeshjen ku Gjilani do të presë në shtëpi skuadrën e Feronikelit 74. Gjilanasit pozicionohen në vendin e pestë me 14 pikë të grumbulluara dhe synojnë tri pikët për t'iu afruar grupit të skuadrave elitare në krye. Ndërkaq, Feronikeli 74 ndodhet në vendin e tetë me tetë pikë dhe synon një rezultat pozitiv për të përmirësuar pozitat e tij në tabelë.