Pas akteve të dhunshme, Gjykata e Lartë vendos barriera hekuri në dritare

Vetëm një ditë pas sulmit me zjarr nga protestuesit, Gjykata e Lartë ka ndërmarrë masa urgjente për të parandaluar ndonjë incident të mundshëm në të ardhmen. Gazetarja Anila Hoxha ka siguruar pamjet vizuale që dëshmojnë ndërhyrjen në institucionin e drejtësisë, ku punonjësit janë angazhuar në vendosjen e mbrojtëseve prej hekuri nëpër dritare. Të njëjtën strategji sigurie kanë ndjekur edhe disa biznese private në zonë. Këto të fundit janë detyruar të mbrohen vetë me mjete rrethanore pas dëmeve dhe sulmeve të pësuara nga protestuesit, pasi forcat e rendit nuk kanë arritur t'i mbrojnë pronat e tyre.