Pasojat e rënda të flakëve në Gjykatën e Lartë: Pamje tronditëse nga brenda institucionit pas protestës

Një segment i ndërtesës së Gjykatës së Lartë është përfshirë nga flakët gjatë zhvillimit të protestës së sotme. Përveç dëmeve në objekt, nga zjarri është shkrumbuar plotësisht edhe një automjet që ndodhej i parkuar në afërsi të godinës. Pranë vendit të ngjarjes kanë mbërritur menjëherë ekipet e zjarrfikëseve, të cilët kanë ndërhyrë për vënien nën kontroll të flakëve dhe për të shmangur rrezikun e përhapjes së mëtejshme të zjarrit në pjesët e tjera të kompleksit gjyqësor. Në përfundim të aksionit për shuarjen e zjarrit, ambientet e dëmtuara shfaqin një panoramë të rëndë, ku spikat prania e dritareve të thyera, osekateve e tavolinave të djegura dhe dokumentacionit e dosjeve të shpërndara nëpër dysheme. Në një lidhje direkte për emisionin “Shqipëria Live” me moderatoren Sidorela Gjoni, gazetarja Elda Menga ka informuar publikun mbi situatën dhe detajet nga terreni lidhur me gjendjen aktuale të godinës pas ndërhyrjes së forcave zjarrfikëse.