Drama në rrugët e Tiranës: I riu rrëzohet pa ndjenja pasi u betohet policëve se nuk është pjesë e protestës

Një tjetër ngjarje e tensionuar është regjistruar në kryeqytet, ku forcat e rendit kanë ndaluar dhe rrethuar një të ri. Gjatë ndërhyrjes, gjendja e tij shëndetësore është përkeqësuar ndjeshëm, ndërsa u është lutur efektivëve se nuk kishte asnjë lidhje me protestën, moment pas të cilit ai ka humbur ndjenjat në tokë. Sipas të dhënave nga terreni, efektivët e policisë i kanë sekuestruar përkohësisht aparatin celular për të kontrolluar përmbajtjen dhe për të verifikuar nëse kishte komunikime që dëshmonin përfshirjen e tij në tubime. Ndërkaq, burimet konfirmojnë se bëhet fjalë për të njëjtin qytetar i cili pak ditë më parë ishte përfshirë në një tjetër incident me protestuesit, ngjarje në të cilën ai ishte goditur me grusht nga një prej tyre.