Tensione politike në vend, ish-ambasadori Roland Bimo: Partnerët ndërkombëtarë të na japin një zgjidhje kur qeveria shurdhon zërin e qytetarëve

Përmes një postimi të shpërndarë në platformën sociale X, ish-ambasadori Roland Bimo ka hedhur një vështrim kritik mbi klimën aktuale politike në Shqipëri, duke i bërë një thirrje të drejtpërdrejtë faktorit ndërkombëtar, veçanërisht Shteteve të Bashkuara të Amerikës dhe Bashkimit Evropian. Diplomati vlerësoi si të drejta thirrjet e partnerëve për ruajtjen e qetësisë dhe refuzimin e akteve të dhunës, por në të njëjtë kohë ngriti një shqetësim madhor rreth mënyrës se a duhet të veprojë shoqëria kur institucionet ekzekutive shfaqen indiferente ndaj kërkesave popullore për një periudhë të gjatë kohe. "Për miqtë tanë në Uashington dhe Bruksel, të cilët u bëjnë thirrje shqiptarëve të shmangin çdo formë dhune: Plotësisht dakord! Faleminderit! Megjithatë, do të ishte me vlerë të na udhëzonit se si duhet të reagojmë kur ekzekutivi shqiptar mbyll dyert dhe nuk dëgjon thirrjet e qytetarëve të vet prej muajsh. Në fund të ditës, ne jemi ata që duhet ta gjejmë rrugëdaljen vetë," – përfundon reagimi i tij publik.