Superliga e Femrave: Vëmendja kryesore zhvendoset në Pejë për superderbin e javës

Kampionati elitar i basketbollit të femrave në Kosovë vjen këtë fundjavë me ndeshje tejet interesante, teksa sytë e sportdashësve do të jenë të drejtuar nga qyteti i Pejës, aty ku do të zhvillohet përballja kryesore ndërmjet Penzës dhe Peja 03. Në këtë ndërkohë, skuadra e Prishtinës do të regjistrojë paraqitjen e saj të parë për këtë edicion garues, duke u matur me Bashkimin. Për këtë të fundit, synim primar është këndellja dhe rikthimi te rezultatet pozitive, pas pengesës që pësoi në takimin hapës të sezonit. Kalendari i ndeshjeve për javën e dytë në Superligën e femrave paraqitet si vijon: E shtunë, ora 13:30: Prishtina – Bashkimi E diel, ora 14:00: Penza – Peja 03 Ndërkaq, për këtë xhiro, skuadra e Trepçës do të ketë pushim.