Trazirat në Shqipëri e shqetësojnë thellë Fifin: Artistja e njohur bën thirrje urgjente për qetësi

Artistja e mirënjohur shqiptare, Fifi, ka ndarë me publikun shqetësimin e saj të madh lidhur me klimën e tensionuar që po mbizotëron së fundmi në Shqipëri. Përmes një reagimi në rrjetet sociale, ku ka publikuar edhe pamje nga protestat, këngëtarja ka përcjellë një mesazh mjaft emocional mbi zhvillimet e fundit. E prekur nga ngjarjet në vend, ajo u është drejtuar drejtpërdrejt personave të përfshirë, duke kërkuar me ngulm uljen e gjakrave dhe ndalimin e menjëhershëm të tensioneve. “O nalnu bre, pashë Zotin e madh, nëse keni Zot, nalnu”, ka shkruar Fifi në postimin e saj. Thirrja e artistes vjen në një moment delikat, kur situata në Shqipëri vijon të jetë e ngarkuar, gjë që ka cenuar rrjedhën normale të jetës së qytetarëve dhe ka çuar në pezullimin e aktiviteteve të ndryshme.