“Po shkatërroni të ardhmen e këtij vendi!”/ Pamjet prekëse të një protestuesi me fëmijën në krahë mes tensioneve në shesh

Një skenë sa dramatike, aq edhe emocionale është shënuar gjatë protestës së zhvilluar ditën e sotme, e cila u shoqërua me momente përplasjesh dhe tensioni të lartë. Mes turmës së indinjuar, tymit të mjeteve piroteknike dhe situatës kaotike, vëmendja e të pranishmëve është fokusuar te një qytetar, i cili është shfaqur në mes të sheshit duke mbajtur fëmijën e tij të mitur në krahë. I ndikuar thellë nga zhvillimet dhe me një zë të lartë e plot dëshpërim, ai i është drejtuar protestuesve dhe efektivëve të policisë përmes një mesazhi që bëri për vete të gjithë të pranishmit dhe qetësoi për pak çaste ambientin e tensionuar. "Boll vazhdoi kjo luftë! Po vrisni fëmijët e këtij vendi!" – ka thirrur ai me forcë, teksa shtrëngonte fort pranë vetes vogëlushin.