Kosova pasluftës në prizmin e artit: Si u shndërrua trupi në një arkiv kujtese dhe rezistence

Trupi njerëzor si një dimension i kujtesës, qëndresës dhe shprehjes së realiteteve politike e kulturore në Kosovën e periudhës së pasluftës, përbën boshtin kryesor të studimit të botuar së fundmi në librin “Trupi si arkiv: Praktikat artistike performuese në Kosovën e pasluftës”, mbajtur nga autoret Anyla Kabashi dhe Renea Begolli. Ky botim i rëndësishëm hulumton në thellësi praktikat e artit performues, duke e trajtuar trupin jo thjesht si formë fizike, por si një hapësirë ku dokumentohen dhe artikulohen përvojat historike dhe shoqërore të vendit.