Mickoski jap garanci: Tarifat e rrymës nuk do të rriten deri në mbyllje të vitit

Kryeministri Hristijan Mickoski ka bërë të ditur se faturat e energjisë elektrike për qytetarët do të mbeten të pandryshuara deri në përfundim të këtij viti, ndërkohë që ekzekutivi do të bëjë përpjekjet maksimale që ky stabilitet të ruhet edhe pas datës 1 janar. Gjatë një prononcimi për media pas inaugurimit të një shkolle të re fillore në Hasanbeg, kreu i Qeverisë theksoi se fokusi kryesor mbetet garantimi i sigurisë energjetike, pavarësisht sfidave të rënda globale. Sipas tij, masat e ndërmarra po zbatohen në mes të një prej krizave më të rënda energjetike në histori, ku vendet e rajonit dhe të kontinentit po përballen me çmime rekorde. “Kudo në rajon dhe në Evropë, çmimet e energjensave po thyejnë rekorde. Tashmë kemi shtete në Evropë ku çmimi i naftës dizel dhe benzinës pa plumb është mbi 3 euro për litër. Ne ende jemi nën 1,6 euro për litër, falë politikave të Qeverisë. Në këtë drejtim planifikojmë të vazhdojmë edhe sa i përket energjisë elektrike,” u shpreh Mickoski. Ai shtoi se po luftohet vazhdimisht për të shmangur çdo shtrenjtim të mundshëm gjatë periudhave rregullatore. Megjithatë, kreu i Qeverisë vuri në dukje se SHA EMV nuk është e vetmja entitet që ndikon te çmimet, duke përmendur edhe operatorët e tjerë dhe kompaninë private shpërndarëse EVN, për të cilët sugjeroi se duhet të pyeten rreth planeve të tyre të ardhshme. Duke iu përgjigjur interesimit të gazetarëve, Mickoski kundërshtoi tezën se vlera e rrymës përcaktohet ekskluzivisht nga EMV-ja dhe theksoi se nuk do të ketë ofertë për çmime nën 65 euro. “Jo, në këto kushte siç janë sot në bursat edhe 65 është tre herë më e ulët se ajo që paguajnë qytetarët në fqinjësi dhe në Evropë,” përfundoi kryeministri.