Tensionet në kryeqytet, Ambasada e Izraelit në Tiranë pezullon përkohësisht punën

Për shkak të zhvillimeve të fundit dhe protestave që po mbahen në Tiranë, Ambasada e Izraelit ka marrë vendimin që t'i mbyllë dyert për publikun duke filluar nga dita e sotme dhe për një periudhë të pacaktuar kohe. Lajmi është bërë i ditur përmes një njoftimi zyrtar të shpërndarë në faqen zyrtare të misionit diplomatik, ku theksohet se qytetarët që kanë nevoja emergjente do të kenë në dispozicion një numër telefoni celular për kontakt. “Për shkak të zhvillimeve të fundit, Ambasada e Izraelit në Tiranë është aktualisht e mbyllur. Rihapja e Ambasadës do të varet nga mënyra se si do të zhvillohet situata. Për çështje urgjente konsullore, ju lutemi kontaktoni numrin celular të emergjencës të Ambasadës. Ju falënderojmë për mirëkuptimin dhe do të ofrojmë përditësime të mëtejshme sipas nevojës”, thuhet në deklaratën e ambasadës.