Trazirat në vend, kryeministri Rama shpërndan një mesazh kuptimplotë në rrjetet sociale

Kryeministri i Shqipërisë, Edi Rama, i është rikthyer edhe një herë reagimeve lidhur me protestat e fundit të dhunshme që kanë përfshirë vendin. Përmes një postimi në llogarinë e tij zyrtare në Facebook, kreu i Qeverisë ka ndarë me ndjekësit pamjen e një tabele rrugore të dëmtuar dhe të rrëzuar përtokë nga pjesëmarrësit në protestë. Në mbishkrimin e kësaj fotografie, Rama ka përcjellë një mesazh dedikuar vendit, duke shkruar: “Pa rezervë e kam dashur Shqipërinë. Kur e kishin përplasur përtokë dhe pa rezervë e dua sot, kur s’ka forcë në botë që e rrëzon më përtokë”.