Skandali financiar: Manchester City mund të mbetet jashtë Evropës për një dekadë

Klubi anglez Manchester City po përballet me pasoja kritike për shkak të situatës së rëndë disiplinore që e ka shoqëruar gjatë këtij viti. Kjo situatë vjen pas ngritjes së 115 akuzave zyrtare ndaj klubit për shkelje të rregullave financiare, të cilat dyshohet se janë kryer gjatë harkut kohor 2009–2018. Për këtë çështje, drejtuesit e klubit tashmë kanë ushtruar të drejtën e ankimimit. Megjithatë, zhvillimet e fundit nga shtëpia e futbollit evropian tregojnë se, nëse apeli rezulton i pasuksesshëm, 'Qytetarët' rrezikojnë një përjashtim drastik prej 7 deri në 10 vjet nga të gjitha garat nën ombrellën e UEFA-s. Përveç ndëshkimit evropian, ekziston një rrezik real që gjiganti anglez të zhvishet nga trofeut e fituara në atë periudhë kohore, duke përfshirë titujt e rëndësishëm në Premierligë dhe FA Cup.