Aksioni i rreptë në kryeqytet: Ujësjellësi shkyç nga rrjeti shtatë konsumatorë për borxhe dhe kyçje ilegale

Kompania Rajonale e Ujësjellësit “Prishtina” ka intensifikuar fushatën e saj në terren, duke ndërmarrë veprime konkrete kundër keqpërdoruesve dhe konsumatorëve që nuk i kanë shlyer detyrimet financiare për shërbimet e ujësjellësit. Bazuar në të dhënat e fundit të bëra publike nga vetë ndërmarrja, vetëm gjatë 24 orëve të kaluara janë evidentuar dhe ndëshkuar shtatë raste në kryeqytet, të cilët janë shkëputur menjëherë nga rrjeti i furnizimit për shkak të borxheve të akumuluara dhe ndërhyrjeve të paligjshme në sistem. Kujtojmë se gjatë muajit të kaluar, saktësisht më 15 tetor, KRU “Prishtina” pati lëshuar një thirrje publike drejtuar të gjithë abonentëve, duke u lënë një afatprej 10 ditësh për të shlyer faturat e prapambetura dhe për të shmangur masat ndëshkimore. Në kuadër të këtij operacioni, autoritetet e kompanisë kanë përsëritur apelin e tyre drejtuar qytetarëve që të tregojnë përgjegjësi duke kryer pagesat në afatet e përcaktuara, me qëllim që të evitohen ballafaqimet e pakëndshme me ndërprerjen e shërbimit të ujit të pijshëm.