Vendimi i Gjykatës: ‘Arrest shtëpie’ për Klevi Metajn, simbolin e protestave studentore

Gjykata ka marrë vendimin zyrtar lidhur me masat e sigurisë për disa prej protestuesve, ku Klevi Metaj, i njohur gjerësisht si simbol i rezistencës së tubimeve studentore, është lënë nën masën e sigurisë “arrest shtëpie”. Në të njëjtën seancë gjyqësore, trupi gjykatësor ka përcaktuar edhe fatin e personave të tjerë të përfshirë në këto ngjarje. Konkretisht, për Olsi Voglin është vendosur “detyrim paraqitjeje”, ndërsa Xheison Petoku është caktuar në “arrest shtëpie”. Masa të ngjashme janë dhënë edhe për të pandehurit e tjerë. Erand Zenollari dhe Korado Aliaj do të vuajnë gjithashtu “arrest shtëpie”, kurse Hamza Bushi dhe Brixhet Bali janë lënë me masën “detyrim për paraqitje”. Në të njëjtën linjë, edhe për Kalosh Hysbajramin gjykata ka vendosur masën e sigurisë “arrest shtëpie”.