Në mbrojtje të çlirimtarëve: Deputetët e PDK-së nuk ndalen, protestojnë çdo natë në shesh

Protestat në mbështetje të ish-krerëve të Ushtrisë Çlirimtare të Kosovës kanë hyrë në natën e tyre të njëmbëdhjetë, pas vendimit të fundit të Gjykatës Speciale. Deputetja e Partisë Demokratike të Kosovës, Ariana Musliu-Shoshi, ka ndarë me ndjekësit e saj pamje nga tubimi i sotëm qytetar në shesh, ku ajo dhe kolegët e partisë, Enver Hoxhaj e Mërgim Lushtaku, po marrin pjesë rregullisht përkrah qytetarëve të mbledhur kundër këtij aktgjykimi. "Këtu jemi. Sonte e çdo natë. Për drejtësi, për historinë tonë, për çlirimtarët tanë. Deri në lirimin e tyre!", ka shkruar Musliu-Shoshi në mesazhin e saj publik.