Arrestohet një person për posedim narkotikësh dhe armëmbajtje pa leje në Prishtinë

Një person është arrestuar nga Policia në Prishtinë nën dyshimin për posedim të substancave narkotike dhe armëmbajtje pa leje. Rasti ka ndodhur të mërkurën, rreth orës 19:00, në rrugën “Haxhi Zeka”, ku gjatë një kontrolli në një lokal dhe në shtëpinë e të dyshuarit, janë gjetur dhe sekuestruar: 1.9 gramë substancë e dyshuar narkotike e llojit marihuanë, një armë automatike e tipit AK-47 me një fishek, pajisje për kultivim të bimëve narkotike, dy aparate për lojëra të fatit dhe 1,480 euro para të gatshme. I dyshuari, shtetas kosovar, është ndaluar dhe pas procedurave të para hetimore, me urdhër të prokurorit është dërguar në mbajtje.