Zveçan: Policia zbulon shoferin që u largua pas përplasjes rrugore

Autoritetet e rendit kanë arritur të bien në gjurmët e drejtuesit të mjetit, i cili disa kohë më parë kishte shkaktuar një aksident trafiku dhe më pas ishte larguar nga vendi i ngjarjes. Ngjarja ishte regjistruar në rrugën “Mbreti Petar”, ku një automjet kishte goditur një veturë tjetër me targa vendore, duke lënë pas vetëm dëme materiale. Falë angazhimit operacional në terren dhe hetimeve të zhvilluara, efektivët e stacionit policor në Zveçan kanë lokalizuar makinën e dyshuar, e cila ndendej e parkuar brenda qytetit. Mjeti është transportuar menjëherë drejt oborrit të stacionit për procedurat e mëtejshme. Në vijim të hetimeve, uniformat blu kanë arritur të zbulojnë edhe identitetin e personit përgjegjës. Bëhet fjalë për 58-vjeçarin me inicialet M.A., banor i komunës së Leposaviqit, i cili është paraqitur vetë në ambientet e policisë. Gjatë seancës së pyetjeve nga hetuesit, ai ka pranuar autorësinë e ngjarjes, duke konfirmuar se kishte drejtuar mjetin gjatë përplasjes dhe më pas ishte larguar pa u ndalur. Me urdhër të organit kompetent, pas përfundimit të procedurave të intervistimit, i dyshuari është lënë i lirë për t'u mbrojtur në liri.