Tragjedi në rrugët e Pogradecit, 26-vjeçari humb jetën pas një aksidenti të rëndë

Një ngjarje e rëndë tronditi qytetin e Pogradecit këtë të enjte, pasi një aksident fatal ka rezultuar me humbjen e jetës së një të riu. Ngjarja tragjike është shënuar në aksin rrugor nacional Pogradec-Qafë Plloçë, konkretisht pranë territorit të fshatit Starovë. Si pasojë e përplasjes së fuqishme, drejtuesi i mjetit, një 26-vjeçar, ka pësuar dëmtime fatale, duke gjetur vdekjen e menjëhershme në vendngjarje. Menjëherë pas marrjes së njoftimit, forcat e policisë kanë mbërritur në vendin e ngjarjes dhe po kryejnë veprimet e para hetimore për të zbuluar shkaqet dhe dinamikën e plotë të këtij aksidenti.