Tensionet në protestën studentore në Tiranë, Bashkimi Europian lëshon reagimin e fortë: Papranueshme çdo akt dhune

Përshkallëzimi i situatës gjatë tubimit të studentëve në kryeqytet, i cili u shoqërua me akte dhune dhe shkatërrime të pasurive publike dhe private, ka nxitur një reagim zyrtar nga ana e Delegacionit të Bashkimit Europian në Shqipëri. Përmes një nomimi zyrtar, institucioni europian ka shprehur dënimin e ashpër ndaj incidenteve të dhunshme, duke u bërë thirrje qytetarëve që protestojnë të ruajnë qetësinë dhe vetëpërmbajtjen. Delegacioni nënvizon se liria e tubimit dhe e shprehjes mbeten shtylla të demokracisë, të cilat duhet të ushtrohen në rrugë paqësore, ndërsa bën thirrje që diskutimi dhe bisedimet të jenë mekanizmi i vetëm për zgjidhjen e kërkesave. “Dënojmë me forcë përshkallëzimin e dhunës gjatë protestës dhe shkatërrimin e pronës publike dhe private. U bëjmë thirrje protestuesve të tregojnë vetëpërmbajtje dhe të shmangin çdo akt dhune. Dhuna nuk ka vend në demokraci. Liria e tubimit dhe e shprehjes janë të drejta themelore dhe vlera thelbësore evropiane. Ato duhet të respektohen dhe të ushtrohen në mënyrë paqësore. Dialogu konstruktiv mes të gjitha palëve është e vetmja rrugë përpara për të adresuar shqetësimet legjitime”, theksohet në mesazhin e shpërndarë për media.