Tragjedi në Ferizaj: Gjendet i pajetë personi që ishte shpallur i zhdukur

Përfundon me epilog tragjik kërkimi për personin e raportuar si i zhdukur në qytetin e Ferizajt. Pas një operacioni të organizuar, trupi i pajetë i qytetarit është gjetur mbrëmë në fshatin Rahovicë. Identiteti i viktimës është bërë i ditur, ku bëhet fjalë për Ardian Bajramin. Deri në këto momente, rrethanat dhe shkaqet që çuan në ndarjen e tij nga jeta mbeten të paqarta për opinionin publik. Lajmin për përfundimin e aksionit e ka konfirmuar Shoqata e Kosovës për Kërkim dhe Shpëtim. Përmes një deklarate zyrtare, ky institucion ka bërë të ditur se misioni i tyre në Rahovicë është mbyllur, duke konfirmuar fatkeqësisht humbjen e jetës së personit të kërkuar. “Njoftojmë se misioni i kërkim-shpëtimit të sotshëm në Rahovicë të Ferizajt ka përfunduar me sukses, por fatkeqësisht personi i humbur ka ndërruar jetë. Falënderojmë të gjithë banorët për bashkëpunimin e treguar, ndërsa familjarëve u shprehim ngushëllimet më të sinqerta”, thuhet në njoftimin e tyre.