Bilanci tragjik në Maqedoninë e Veriut: Ethet e Nilit Perëndimor marrin jetën e 11-të

Përhapja e etheve të Nilit Perëndimor në Maqedoninë e Veriut ka shënuar një tjetër viktimë, duke çuar në 11 numrin e përgjithshëm të personave që kanë humbur jetën si pasojë e këtij virusi. Rasti i fundit tragjik regjistron vdekjen e një 66-vjeçareje. Lajmi është bërë i ditur nga drejtori i Klinikës për Sëmundje Infektive, Fadil Cana, i cili ka dhënë detaje rreth gjendjes shëndetësore të pacientes. Sipas tij, analize laboratorike kishin konfirmuar se ajo ishte prekur nga forma më e rëndë e këtij infeksioni, ndërkohë që lufta e saj me virusin ishte vështirësuar ndjeshëm edhe nga prania e sëmundjeve të tjera shoqëruese kronike. Duke folur për këtë ngjarje, drejtori Cana u shpreh: “Për fat të keq në klinikën infektive është regjistruar edhe një rast vdekjeje te pacientja 66 vjeçare nga Rosomani, ishte e vërtetuar në mënyre laboratorike forma më e rëndë e infeksionit me ethet e Nilit Perëndimor. Pacientja përpos diagnozës primare, vuante edhe shumë nga shumë sëmundje kronike shoqëruese”.