Nga porta e Vllaznisë te klubi gjerman, Leon-Maurice Pohls ndryshon skuadër

Pasi ka mbyllur përfundimisht aventurën e tij me fanellën e Vllaznisë së Shkodrës, gardiani gjerman Leon-Maurice Pohls ka nisur një kapitull të ri në karrierën e tij futbollistike, duke gjetur një skuadër të re në vendlindje. Futbollisti 29-vjeçar ka zyrtarizuar kalimin te Tasmania Berlin, një klub që garon në nivelet inferiore të futbollit gjerman. Pohls iu bashkua kuqebluve gjatë merkatos së verës së vitit 2025 dhe përvoja e tij në Shkodër zgjati vetëm një edicion, kohë gjatë së cilës ai arriti të siguronte një vend titullari të padiskutueshëm në formacion, në periudhën kur stolin e drejtonte trajneri Edi Martini. Gjatë rrugëtimit të tij sportiv, 29-vjeçari ka shijuar sukseset më të mëdha me fanellën e Shamrock Rovers, skuadër me të cilën është shpallur pesë herë kampion në kampionatin e Irlandës.