Kanosja ndaj Vjosa Osmanit në rrjetet sociale: Dil para drejtësisë i dyshuari, mohon akuzat në gjykatë

Për shkak të një komenti kërcënues të publikuar në rrjetin social Facebook, ku ndër të tjera thuhej se "pak është plumbi për të", Bekim Sylejmani ka dalë para Gjykatës Themelore në Prishtinë për t'u përgjigjur për veprimet e tij. Gjatë seancës fillestare të mbajtur këtë të mërkurë, Sylejmani është deklaruar i pafajshëm për veprën penale të kanosjes që i referohet ish-Presidentes, Vjosa Osmani. “Nuk e pranoj fajësinë”, ka qenë deklarata e shkurtër e të pandehurului pasi prokurori Besart Mustafa ka bërë leximin e aktakuzës që e ngarkon atë me këtë vepër penale. Në vijim të seancës, gjyqtari i çështjes, Bujar Ahmeti, e ka vënë në dijenuri të pandehurin se prania e një avokati mbrojtës nuk është e obligueshme në këtë fazë, pas së cilës Sylejmani ka vendosur që të mbrohet vetë dhe të vazhdojë procesin pa përfaqësim ligjor. Në cilësinë e përfaqësuesit të palës së dëmtuar Osmani, avokati Artan Qerkini ka njoftuar trupin gjykues se i bashkëngjiten ndjekjes penale ndaj personit të akuzuar. Lidhur me aspektin pasuror-juridik, avokati Qerkini ka bërë të ditur se nuk do të ushtrojë kërkesë për kompensim dëmi, duke marrë parasysh gjendjen e rëndë ekonomike të të pandehurit. Pas deklarimit rreth fajësisë, Gjykata i ka kujtuar të pandehurit se brenda afatit ligjor prej 30 ditësh ka mundësi të paraqesë kundërshtimet e tij ndaj provave si dhe kërkesën për hudhjen e aktakuzës.