Zbulohet punishte armësh në Mitrovicën e Veriut, një person arrestohet

Prokuroria Themelore në Mitrovicë, në bashkëpunim me Policinë e Kosovës dhe Drejtorinë kundër Krimit të Organizuar, ka ndërmarrë një aksion kontrolli në disa lokacione të ndryshme. Gjatë këtij operacioni, në njërën nga lokacionet është zbuluar një punishte për prodhimin e armëve, ku janë konfiskuar armë zjarri, municion dhe pajisje për modifikimin e tyre. Si rezultat, një person është arrestuar dhe ndodhet në ndalim, i dyshuar për prodhim dhe posedim të paautorizuar të armëve dhe lëndëve plasëse./Mitropol/