Ndërhyrja e forcave të rendit para Ministrisë së Arsimit: Përdoret uji me presion për shpërndarjen e protestuesve dhe zhbllokimin e rrugës

Forcat e policisë kanë ndërhyrë për të shpërndarë turmën e protestuesve të grumbulluar në afërsi të Ministrisë së Arsimit, duke përdorur mjetin e blinduar me ujë me presion. Për të krijuar hapësirën e nevojshme për kalimin e autobotit, efektivët e rendit pastruen aksin rrugor, i cili ishte bllokuar më parë nga protestuesit përmes vendosjes së kangjellave të shkulura. Menjëherë pas zhbllokimit të rrugës, mjeti i policisë ka nisur spërkatjen me ujë nën presion për largimin e tubuanjësve nga zona. Ndërkaq, gjatë operacionit të ndërhyrjes, situata është tensionuar, ndërsa autoritetet kanë nisur shoqërimin e disa prej personave pjesëmarrës në protestë.