Tensione të ja mes Sofjes dhe Shkupit, Karakaçanov: Qeveria e Mickoskit po bllokon zgjidhjen e mosmarrëveshjeve

Kthimi i papritur i Iva Mihailovës në Bullgari ka ndezur një valë të re pakënaqësish dhe tensionesh diplomatike ndërmjet Shkupit dhe Sofjes. Autoritetet maqedonase e kanë cilësuar këtë zhvillim si një arratisje ilegale të një personi nën hetim, duke paralajmëruar se rasti do t'i referohet zyrtarisht Bashkimit Evropian dhe Këshillit të Evropës. Nga ana tjetër, një segment i skenës politike në Bullgari ka marrë në mbrojtje veprimin e Mihailovës, pavarësisht se faktet tregojnë për një largim të paligjshëm nga territori i Maqedonisë. Krasimir Karakaçanov, lider i partisë bullgare OBRM-BND, ka drejtuar akuza të forta ndaj autoriteteve maqedonase, duke pretenduar se për një periudhë të gjatë kohore Shkupi ka zhvilluar një fushatë dezinformimi dhe shpifjesh kundër shtetit bullgar. Ai theksoi se nuk ka besim te sinqeriteti i institucioneve të Shkupit dhe se i jep plotësisht të drejtë versionit të paraqitur nga Mihailova. Duke komentuar aspektin humanitar të ngjarjes, Karakaçanov vuri theksin te gjendja shëndetësore e fëmijës, duke u shprehur se tashmë pacienti ka mbërritur për ndihmë mjekësore urgjente në spitalin e Pirogovit. Ai akuzoi drejtpërdrejt institucionet maqedonase se për më shumë se një vit kanë krijuar pengesa të qëllimshme, duke rrezikuar shëndetin e fëmijës dhe duke e mbajtur atë pa trajtimin e merituar mjekësor. Në përmbyllje të prononcimit të tij, politikani bullgar u ndal te dinamika aktuale politike, duke vënë njoftuar se që prej marrjes së pushtetit nga kryeministri Hristijan Mickoski, marrëdhëniet dypalëshe mes dy vendeve jo vetëm që nuk kanë ecur përpara, por janë larguar çdo ditë e më shumë nga rruga e dialogut për zgjidhjen e çështjeve të hapura.