Sukses historik në volejboll: Finlanda mposht Slloveninë dhe rrëmben medaljen e bronzit në Evropian

Përfaqësuesja e Finlandës ka shkruar histori në Kampionatin Evropian të volejbollit, duke u kurorëzuar me medaljen e bronztë, e cila është e para për këtë shtet në këtë kompeticion. Në ndeshjen vendimtare për vendin e tretë, finlandezët triumfuan bindshëm me rezultat 3:0 në sete (25:23, 25:20, 29:27) përballë Sllovenisë. Nga ana tjetër, sllovenët, pavarësisht se hynë në këtë takim si favoritë dhe pas tri paraqitjesh të suksesshme radhazi, u detyrohen të kthehen duarbosh në shtëpi. Për kombëtaren e Sllovenisë, ky kampionat kontinental u mbyll me një ndjesi të thellë zhgënjimi në qytetin e Milanit, duke shuar kështu vrullin dhe formën e shkëlqyer që kishin shfaqur më parë në Torino. Gjatë dy ditëve të fundit të turneut, skuadra sllovene nukau arritur të fitojë qoftë edhe një set të vetëm. Pas disfatës së pritur në gjysmëfinale kundër Polonisë, sllovenët u mposhtën me meritë edhe një ditë më vonë nga Finlanda, e cila tregoj një dëshirë dhe uri më të madhe për të ngjitur shkallët e podiumit. Mediat sllovene kanë analizuar paraqitjen e ekipit, duke theksuar se angazhimi dhe lufta në fushë nuk munguan, por mungesa e energjisë ishte evidente. Veçanërisht u vu re te Nik Mujanoviq, i cili kishte shpenzuar shumë forca në ndeshjen e së premtes, si dhe te Klemen Çebulj, i cili iu bashkua përfaqësueses pas vetëm dy javë stërvitjesh në Poloni. Selektori Fabio Soli hodhi në fushë formacionin më të fortë të mundshëm, por lodhja e akumuluar bëri të veten. Përballë një Finlande që shkëlqeu me lojtarë në formë optimale, sllovenët nuk arritën të përballonin ritmin. Kështu, Finlanda mbyll Kampionatin Evropian me një sukses të jashtëzakonshëm historik duke fituar bronzin, ndërsa Sllovenia e mbyll aventurën e saj evropiane në vendin e katërt.