E rëndë në Podujevë – 15 vjeçari ther me thikë gjyshen

Një ngjarje tronditëse ka ndodhur dje, në fshatin Bajqinë të komunës së Podujevës, ku një i mitur dyshohet se ka lënduar rëndë fizikisht gjyshen e tij me një mjet të mprehtë. Burime të Sinjalit mësojnë se i dyshuari është: E. Sh., 15 vjeçar, ndërsa viktima është: F.Sh, 70 vjeçare. Sipas informacioneve zyrtare,policia është njoftuar për rastin dhe ka ndërhyrë në vendin e ngjarjes, ku ka arrestuar të miturin si të dyshuar për lëndim të rëndë trupor me thikë. Viktima është dërguar menjëherë për trajtim mjekësor, dhe pas stabilizimit është intervistuar nga hetuesit. Ndërkohë, edhe i mituri është intervistuar në prani të prindit dhe avokatit mbrojtës, ndërsa si provë materiale është sekuestruar thika me të cilën dyshohet se është kryer sulmi. Për rastin është njoftuar prokurori kujdestar për të mitur, i cili ka lëshuar vendim për ndalimin e të dyshuarit. Hetimet janë në zhvillim. Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata. Shpërndaje këtë lajm në: